Ўзгадан эмас ўзингдан кўр

Хорижга чиқиш белгиланган тартибда, тегишли қонун ҳужжатларига асосан амалга оширилади.

Ўзбекистон Республикаси фуқаролари кириш визаси талаб этилмайдиган мамлакатлардан ташқари, хорижга вақтинча ва доимий яшашга чиқиши учун чет элга чиқиш рухсат ёзувининг ёпиштириладиган стикерини расмийлаштириши талаб этилади. Айрим фуқароларимиз ушбу қоидани билсаларда, чиқиш учун виза талаб этиладиган давлатларга қўшни республикалар орқали қонунларимизни бузиб бормоқдалар.

Хусусан, фарғоналик Мухлиса Икромова (исм-шарифлар шартли равишда ўзгартирилган) тенгдошлари каби ҳою ҳавасга берилди. Четда ишлаб келиб, бой бўлиш хаёллари ун­га ҳеч тинч­лик бермади. Ўйлаб-ўйлаб қатъий тўхтамга келди ва Туркия давлатининг Истанбул шаҳрига от­ланди. Аммо хорижга чи­қиш учун ҳужжат­ларни тегишли тар­тиб­да расмийлашти­риш­­даги «ово­ра­гарчилик»лар унга малол келиб, қо­нунга хи­лоф равишда иш тутди.

Мухлиса 2016 йилнинг ноябрь ойида амал­даги қонунчиликка риоя этмай, яъни виза рух­­сатномаси олмасдан  Россия Федерациясидан Истанбул шаҳрига йўл олади. Мухлиса бу шаҳардаги ошхоналарнинг бирида бир йилдан ортиқ ишлаб, жорий йилнинг 14 март куни юртимизга қайтди.

Ҳеч бир шаҳар бедарвоза эмас. Ҳар қандай қил­мишнинг кун келиб «мис»и чи­қиши тайин. М.Икромованинг қилмишлари халқаро аэропортнинг паспорт назоратидан ўтаётган вақтида ошкор бўлди. Бунга эъти­бор қил­маган «ишбилармон хоним»га жиноят ишлари бўйича Сергели ту­ман суди томонидан тегишли жа­зо­ тайин­ланди.

Эндигина йигирма уч ёшга тўлган қиз ва­колатли давлат идораларига муро­жаат қилмасдан хорижга чиқиш тар­тибини бу­зди. Энди у қилмишидан тўғри хулоса чи­қариб, қонунларга риоя қилиб ҳаётини давом эттиришини истар эдик.

Шерзод ШОДМОНОВ,

Ислом Каримов номидаги халқаро аэропортнинг

жамоат хавфсизлигини таъминлаш бўлими

тергов бўлинмаси терговчиси.